Қазақстан мұсылмандары діни басқармасы «Зекет және қайырымдылық» қорының ұйытқы болуымен жыл сайын жаңа оқу жылы қарсаңында еліміздің барлық өңірлерінде қайырымдылық акциялары ұйымдастырылып, білім іздеген жас жеткіншектерге мешіт тарапынан қамқорлық пен қолдау көрсетіліп келеді. Осы ізгі дәстүр Нұра аудандық мешітінде жалғасын тапты.

Игі іс-шара барысында әлеуметтік жағдайы төмен, көпбалалы отбасылар мен жалғызбасты аналардың балаларына арналған 30-ға жуық мектеп сөмкесі оқу құрал-жабдықтарымен бірге табыс етілді.

Ұйымдастырушылар қайырымдылық акциясына қолдау білдірген жомарт жандарға алғыс айтты.

ҚМДБ Қарағанды облысы өкілдігінің баспасөз қызметі