Қарағанды облысы Қарқаралы аудандық “Құнанбай қажы” мешітінің имамы Митератбек Орынбекұлының ұйымдастыруымен «Мектепке жол» республикалық қайырымдылық акциясы аясында игі шара жүзеге асты.

Акция барысында әлеуметтік жағдайы төмен отбасылардан шыққан отыз балаға мектепке қажетті сөмке мен оқу құралдары табысталды.

Мешіт имамы шара барысында білім – адам өміріндегі ең басты қазына екенін атап өтіп, жас өрендерге сәттілік тілеп, ата-аналарына ізгі дұға жасады.