ҚМДБ Қарағанды облысы бойынша «Әйел-қыздар» секторы мен «Ханифа» қыздар даму клубының ұйымдастыруымен «Отбасы құндылықтары» тақырыбында семинар өтті.

Аталмыш шара облыстық «Әнет баба» мешітінің ұстазы Әйгерім Берікболқызының ұйытқы болуымен жүзеге асты. Жиын барысында ұстаз қатысушыларға «Дін мен дәстүр» кітабы аясында насихат жүргізіп, отбасының берекесін арттыратын, имандылықты күшейтетін құндылықтар жөнінде кеңінен әңгімеледі.

Сонымен қатар қыз-келіншектерге отбасы тәрбиесінде ата-анаға құрмет, ер мен әйелдің өзара сыйластығы, ұрпаққа өнеге болу мәселелері жан-жақты түсіндірілді. Қатысушыларға күнделікті өмірде дін мен дәстүрді сабақтастыра отырып, отбасында ізгілік пен татулықты орнатудың маңызы айтылды.

Шара соңында қатысушылар көкейдегі сұрақтарын қойып, тұшымды жауаптар алды. Семинарға келген қыз-келіншектер рухани азық алып, отбасы құндылықтарын сақтау әр мұсылман әйелдің басты міндеті екендігін тағы бір мәрте ұғынды.