ҚМДБ-ның Қарағанды облысы бойынша өкілдігіне қарасты Бұқар Жырау ауданы Байқадам ауылдық мешітінде жас жеткіншектерге арналған «Құран оқып үйренейік» атты дәрістер басталды.

Дәрістерді мешіт имамы Орынбай Ерлан жүргізіп жатыр. Балалардың Құран әліппесін үйреніп, тәджуид қағидаларын меңгеруіне ерекше мән беріледі.

Сабақтар аптаның сенбі және жексенбі күндері тұрақты түрде өткізіліп, жас буынның Құранға деген ықыласын арттыруға, рухани тәрбие мен имани құндылықтарды бойларына сіңіруге бағытталған.

Бұл игі бастама жас өрендердің уақытын пайдалы өткізіп, діни сауаттылықтарын арттыруға септігін тигізуде.

ҚМДБ Қарағанды облысы өкілдігінің баспасөз қызметі