Қарағанды қалалық «Ар-Рахман» мешітінің имамы Азамат Төлеуханұлы қасиетті Мәуліт айына орай Қарағанды қалалық «Әл-Мәшани» мешітінде өткен рухани кешке қатысты.

Іс-шара аясында имам жамағатқа «Адамзаттың асыл тәжі – Мұхаммад (оған Алланың салауаты мен сәлемі болсын)» тақырыбында тағылымды уағыз айтты. Насихат барысында Пайғамбарымыздың көркем мінезі, адамзатқа жеткізген асыл өнегесі, ислам өркениетінің рухани құндылықтары кеңінен түсіндірілді.

Жиынның негізгі мақсаты – Мәуліт айының рухани мәнін дәріптеу, жамағатты ардақты Елшінің (оған Алланың салауаты мен сәлемі болсын) өнегелі ғұмырынан тағылым алуға үндеп, имандылық пен ізгілікті арттыру болды.

ҚМДБ Қарағанды облысы өкілдігінің баспасөз қызметі