Қарағанды қалалық «Қазыбек би» мешітінің имамы Асылхан Нұртайұлы жамағатқа «Қажының рухани келбеті» атты тұғырнаманы кеңінен түсіндірді.

Тұғырнаманың негізгі мақсаты – қажылықтың мәні мен жауапкершілігін айқындап, қажыларға қойылатын талаптарды жеткізу. Құжатта қазіргі таңда өзекті болып отырған бірқатар түйткілді мәселелердің шешімдері де қамтылған.

Іс-шара барысында имам қажылық мәдениеті мен оны сақтау қағидаларына ерекше тоқталды. Сондай-ақ алдағы уақытта қасиетті сапарға аттанатын жамағатқа осы мәселелерді дұрыс түсіндіріп, толық жеткізудің маңыздылығын атап өтті.

ҚМДБ Қарағанды облысы өкілдігінің баспасөз қызметі