Қарағанды облысы Бұқар жырау аудандық «Жыржыс қажы» мешітінің  имамы Рүстем Мұратұлы бақылау-басқару жұмыстары аясында жақында ғана ашылған Байқадам ауылдық мешітіне арнайы барды.

Жаңа мешітке жуырда имамдық қызметке тағайындалған Орынбай Ерлан құлшылық үйінің тыныс-тіршілігімен таныстырып, аймақтың дін хәл-ахуалы  жайлы баяндады.

Аудан имамы мешітті жан-жақты аралап, соңғы уақыттағы жаңалықтардан хабардар болды. Шара барысында мешіттің тазалығы, ғимараттың ішкі-сыртқы жағдайы тексеріліп, атқарылып жатқан жұмыстарға назар аударылды.

Сонымен қатар, ауыл имамы өңірдің қазіргі діни ахуалы туралы баяндап, алдағы жоспарларымен бөлісті. Өз кезегінде Рүстем Мұлатұлы Ерлан имамның жұмысына сәттілік тілеп, қызметіне береке тіледі.