Қарағанды облысы Абай ауданы Қарабас кентінің мешітінде имам Шарифулла Шадиевтің ұйымдастыруымен Пайғамбарымызға арнап Мәуліт оқылды.

Іс-шара барысында жамағатпен діни тағылымдық әңгіме жүргізіліп, қатысушылардың көкейіндегі сауалдарына жауап берілді. Жиналғандарға сыйлықтар таратылып, қуанышқа бөленді. 

Мәуліт мерекесін өткізу – Пайғамбарымыз Мұхаммедтің (с.а.с.) өнегелі өмірін ұлықтап, қоғамды ізгілік пен бірлікке шақырудың айқын көрінісі болды. Жергілікті жамағат осындай рухани басқосулардың жиі ұйымдастырылып тұрғанына ризашылықтарын білдірді.

ҚМДБ Қарағанды облысы өкілдігінің баспасөз қызметі