Үштөбе ауылдық «Қажыбай қажы» мешітінде шәкірттер арасында Құранның асыл қазынасы – «Хужурат» сүресін көркем оқудан сайыс ұйымдастырылды.

Мәдиналық 18 аяттан тұратын бұл сүре – мұсылман өміріндегі әдеп пен тәртіптің, татулық пен бауырмалдықтың айнасы. Сүре мұсылманды бірлікке шақырып, кикілжің туындаған жағдайда оны шешудің жолдарын көрсетеді. Сондай-ақ өсек-өтірік пен қызғаныштан тыйып, адамды ізгілікке жетелейді.

Жарыстың негізгі мақсаты – шәкірттердің Құранға деген сүйіспеншілігін арттыру, аяттардың мағынасын терең ұғындыру, ізденімпаздыққа баулу. Сонымен қатар, жас буынға мұсылманға тән әдеп пен әдетті үйретіп, қоғамдағы қарым-қатынасты дұрыс қалыптастыруды насихаттау болды.

Сайыс нәтижесінде:

         I орын – Гүлдана Маратжанқызы (20 000 ₸)

          II орын – Әсия Абдулқуддусқызы (15 000 ₸)

         III орын – Гүлнұр Маратқызы (10 000 ₸)

Барлық қатысушыларға ынталандыру сыйлықтары табыс етіліп, жамағат алдында жасалған көркем оқу сайысы үлкен рухани мерекеге айналды.

Іс-шара соңында мешіт ұстазы шәкірттерді Құранға деген құрметі үшін құттықтап, Құран оқу – тек тілмен емес, жүрекпен сезініп, өмірде амал етудің ең үлкен бақыт екенін атап өтті.