Қарағанды қалалық «Бала қажы» мешітінің ауласына 200 шаршы метр аумаққа асфальт төселді. Бұл орын мешіт қызметкерлеріне арналған көлік тұрағы ретінде пайдаланылмақ.

Сонымен қатар жұма намазында мешіт ішіне жамағат сыймаған жағдайда осы алаңға жайнамаз төселіп, құлшылық жасауға мүмкіндік туып отыр.

Игі іске атсалысқан қайырымды жандарға жамағат атынан алғыс айтылды. Алдағы уақытта демеушілер табылған жағдайда мешіттің шарбақ сыртындағы көлік тұрағына да асфальт төсеу жоспарланып отыр.

ҚМДБ Қарағанды облысы өкілдігінің баспасөз қызметі