Қарағанды қаласының «Әл-Машани» мешітінде әйелдер жамағатына  Мәуліт мерекесі аталып өтті.

Мешіт ұстаздары Бақытгүл Айтқалиқызы мен Гүлнұр Қаныбекқызының ұйымдастыруымен өткен рухани кешті мешіт имамы Сайлау Жұмағұлұлы ашып, жамағатқа Мәуліттің маңыздылығы мен Пайғамбарымыздың ﷺ қадір-қасиеті туралы уағыз айтты.

Сонымен қатар мешіт ұстаздары жамағатқа «Пайғамбарымызға ﷺ деген махаббат», «Қоштасу қажылығы» тақырыптарында насихат айтты. Кішкентай шәкірттер өлең оқып, Алла Елшісіне ﷺ деген сүйіспеншіліктерін білдірді. Сондай-ақ Пайғамбарымыз ﷺ құрметіне Мәуліт жыры оқылды.

Жамағат Алла Елшісінің ﷺ Исламды толық жеткізіп, тарихта «Қоштасу құтпасы» деген атпен қалған соңғы өсиетін тыңдап, көздеріне жас алды. Кеш соңында мешіт шәкірттері оқыған хатым Құран дұғасымен аяқталды.

ҚМДБ Қарағанды облысы өкілдігінің баспасөз қызметі