Қарағанды қалалық «Төлеутай ата» мешітінде имам Рауан Төлеубекұлының бастамасымен қысқы маусымға дайындық жұмыстары жалғасуда.

Жоспарға сәйкес мешіт аумағында және ішкі бөлмелерінде жөндеу, әктеу және тазалау шаралары жүргізілуде. Бұл игі іс – мешіттің сән-салтанатын арттырып қана қоймай, жамағатқа қолайлы жағдайда құлшылық жасауға мүмкіндік беруді көздейді.

Мешіт имамы Рауан Төлеубекұлының айтуынша, «Жамағаттың құлшылық орнын таза әрі әдемі ұстау – әрбір мұсылманның ортақ міндеті. Қысқы маусымға дайындық аясында жасалып жатқан жұмыстар – осы жауапкершіліктің айқын көрінісі» деді.

Айта кетейік, мұндай сенбіліктер мен жөндеу шаралары жамағаттың бірлігі мен ынтымағын нығайтып, мешітке деген қамқорлықты арттыра түседі.