Абай ауданына қарасты Курминка ауылында тұрғындарға жат ағымның алдын алу мақсатында түсіндіру жұмыстары жүргізілді.

Аталмыш шараны Қарабас кенті мешітінің имамы Шарифулла Шадиев өткізді. Кездесу барысында жамағатқа дәстүрлі ислам құндылықтары түсіндіріліп, қоғамда жиі кездесіп жүрген діни теріс ағымдардың зияны туралы кеңінен насихат айтылды.

Сонымен қатар, имам жиналғандарды асыл дініміздің тәлім-тәрбиесіне берік болып, бірлік пен бейбітшілікті сақтауға шақырды.