ҚМДБ-ның Қарағанды облысына қарасты қалалық «Бұқар Жырау» мешітінде қасиетті мәуліт айының құрметіне орай «Үмметке үлгі болған Әз Пайғамбар» атты рухани мәуліт кеші ұйымдастырылды.
Кешке ҚМДБ-ның Қарағанды облысы бойынша бас имамы Естай Айтуғанұлы бастаған дін қызметкерлері, зиялы қауым өкілдері, дін жанашырлары және мешіт жамағаты қатысты.
Рухани кеш қасиетті Құран аяттары оқумен бастау алып, ата-баба рухына дұға бағышталды.
Кеш барысында облыстың бас имамы Естай Айтуғанұлы мен «Әнет Баба» мешітінің ұстазы Бауыржан Мейірбекұлы мәуліт оқыды. Алла Елшісінің (с.а.с.) өнегелі өмірінен насихаттар айтылды.
Кеш қызықты ойын-сұрақтармен жалғасып, жамағатқа«Мәуліт сыйы» үлестірілді.
Рухани мазмұнға толы кешке жиналған жамағат ерекше әсер алып, Мәуліт айының берекесін сезінді.
ҚМДБ-ның Қарағанды облысы бойынша баспасөз қызметі
«Халал» сертификаты
Имамдарға қызметтік пәтер
Мешіт туралы