Қарағанды облысы Шет ауданы Ақадыр кентінің имамы Нұржан Оңғарұлының ұйымдастыруымен елдік рухты көтеруге арналған уағыз-насихат өткізілді.

Уағыз барысында қазақ халқының батырларының ерлігі, даналардың өнегелі сөздері, әулиелердің кереметтері мен ұлттық салт-дәстүрдің тәрбиелік маңызы жайлы кеңінен айтылды.

Бұл кездесудің басты мақсаты – жастардың рухани санасын оятып, ел мен жерге сүйіспеншілігін арттыру, ата-баба аманатына адал болуға үндеу.

ҚМДБ Қарағанды облысы өкілдігінің баспасөз қызметі