Қарағанды қалалық «Төлеутай ата» мешітінде жамағаттың діни білімін арттыру мақсатында ақида пәнінен дәрістер басталды.

Дәрісті  мешіт имамы Рауан Төлеубекұлы жүргізуде. Сабақ барысында ақида iлімінің маңызы, мұсылманның сенім негіздері мен Алла Тағаланы тану мәселелері кеңінен түсіндірілуде.

Имамның айтуынша, ақида ілімін үйрену – діннің түпқазығын дұрыс түсінудің және Аллаға шынайы иман келтірудің басты шарты. Дәріс арқылы жамағат дін негіздеріне қатысты білімдерін жүйелей алады.

Аталған дәріс апта сайын өтіп, қатысушыларға сұрақ қойып, талқылауға мүмкіндік беріледі.