18- қазан «Рухани келісім» мерекесіне орай Қарағанды қалалық «Төлеутай ата» мешітінің ұстазы Фатима Аманболдықызының ұйымдастыруымен әйелдер жамағаты арасында «Ана мен қыз» атты тәрбиелік мәні зор эстафеталық сайыс өтті.

Іс-шараның мақсаты – отбасылық құндылықтарды дәріптеу, аналар мен қыздар арасындағы өзара сыйластық пен ынтымақты арттыру, сондай-ақ әйел жамағатының бірлігін нығайту болды.

Сайысқа қатысушылар үш топқа бөлініп, өзара бақ сынасты. Эстафета үш кезеңнен тұрды және әр кезеңде қатысушылар тапқырлықтарын, шеберліктерін, ұйымшылдықтарын көрсетті.

Нәтижесінде:

 I орын – «Тәуекел» тобына,

 II орын – «Жан жылуы» тобына,

 III орын – «Алға» тобына бұйырды.

Жеңімпаз командаларға мешіт атынан сыйлықтар  табысталды.

Шара соңында Фатима Аманболдықызы қатысушыларға ризашылығын білдіріп, аналар мен қыздарға үлгі боларлық осындай рухани-тәрбиелік шаралар алдағы уақытта да жалғасын табатынын атап өтті.