ҚМДБ-ның жылдық жоспарына сай «Дархан дала» – отандық туризмді дамыту бағыты аясында Шет ауданына қарасты Ақжал кентінің имамы Богдан Насырұлының ұйымдастыруымен мешіт жамағаты тарихи және рухани маңызы зор «Баян батыр» мазарын зиярат етті.

Шараның мақсаты – еліміздегі киелі жерлер мен тарихи тұлғаларды таныту, отансүйгіштік сезімді ояту және діни-рухани танымды арттыру болды.

Зиярат барысында имам Богдан Насырұлы қатысушыларға Баян батырдың ерлік жолы мен ел тарихындағы орны туралы кеңінен мағлұмат берді. Сондай-ақ, исламдағы зиярат әдебі мен оның рухани мәніне тоқталды.

Мешіт жамағаты үшін ұйымдастырылған бұл сапар көпшілікке үлкен әсер қалдырды. Қатысушылар рухани тыныштық пен ерекше шабыт алғандарын айтып, осындай игі іс-шаралардың жиі өткізіліп тұруының маңыздылығын атап өтті.