Республика күні мерекесіне орай Қарқаралы ауданына қарасты Нүркен ауылдық мешітінде мерекелік кездесу өтті. Іс-шараны ауыл мешітінің молдасы Айсин Қайыржан ұйымдастырды.

Шара аясында ауыл қариялары арнайы шақырылып, мерекелік дастархан жайылды. Басқосу барысында мешіт дін қызметкері Айсин Қайыржан ата-бабадан жалғасқан дін мен дәстүр сабақтастығының маңызына тоқталып, халқымыздың рухани құндылықтары мен бірлік-берекенің қадірі жайлы тағылымды уағыз айтты.

Қариялар өз кезегінде елдің тыныштығы мен өсіп-өркендеуіне тілектестіктерін білдіріп, жастарға өнегелі насихаттарын жеткізді.

Мерекелік шара ауыл тұрғындары арасында жылы ықыласқа ие болып, Республиканың басты құндылығы саналатын бірлік пен татулықтың маңызын айшықтай түсті.