Қарағанды қалалық «Бала қажы» мешітінің имамы Махмұд қажы Нұрұлы 25 қазан — Республика күніне орай шәкірттермен «Бірлік пен тәуелсіздіктің белгісі» атты рухани кездесу өткізді.

Мешіт ұстазы Бақытгүл Айтқалиқызының ұйымдастыруымен өткер шараның мақсаты – жастарға еліміздің тәуелсіздік тарихын ұлықтап, ел бірлігінің маңызын түсіндіру, сондай-ақ Отанға деген сүйіспеншілікті арттыру болды.

Кездесу барысында имам Махмұд қажы Нұрұлы тәуелсіздіктің қазақ халқы үшін қаншалықты қастерлі ұғым екенін атап өтіп, елдің тұтастығын сақтауда бірлік пен имандылықтың рөлін түсіндірді. Сондай-ақ, шәкірттермен рухани сұхбат өткізіліп, олардың қойған сұрақтарына жауап берілді.

Шара соңында Хатым Құран дұғасы оқылып, ел мен жердің амандығы, тыныштығы мен тұрақтылығы үшін арнайы дұға жасалды.