Қарағанды қалалық «Әл Машани» мешітінің ұстазы Гүлнұр Қаныбекқызының ұйымдастыруымен мешіт шәкірттері арасында Құран ілімін тереңдетуге бағытталған білім сайысы өтті.

Сайыс барысында шәкірттер Құранда жиі кездесетін сөздерді жатқа айтып, аяттардан мысал келтіріп, топтық түрде өз білімдерін сынады.

Бұл шараның басты мақсаты – бастауыш деңгейде өткен араб тілі сабақтарын пысықтау және Құран аяттарын түсініп оқуға дағдыландыру болып табылады.

Білім сайысы жоғары деңгейде өтіп, белсенділік танытқан шәкірттерге арнайы сыйлықтар табысталды.

Мешіт ұстазды мұндай шаралар шәкірттердің ынтасын арттырып, діни білімге деген қызығушылығын күшейтетінін атап өтті.