Шет ауданына қарасты Ақадыр кенті «Иса Молла» мешітінің  ұстазы Әлия Рахманқызының ұйымдастыруымен әйел қыздар  жамағаты арасында интеллектуалды жарыс өтті.

Шара «Би-шешендер, жыраулардың сөздері – халықтың тәрбие құралы» тақырыбында өткізілді.

Қатысушылар Бұқар Жыраудың жырларын, Төле бидің сөздерін жатқа айтып, өз білімдерін сынға салды.

Жарыс соңында үздік нәтиже көрсеткен қатысушылар 1, 2 және 3 орындарға ие болып, арнайы сыйлықтармен марапатталды.

Мешіт ұжымы мұндай шаралардың әйелдер арасында ұлттық дәстүрлерді дәріптеуге, рухани құндылықтарды насихаттауға үлкен үлес қосатынын атап өтті.