Ар-Рахман мешітінде тұрақты түрде сира пәні бойынша сабақтар жүргізілуде. Аталған сабақтар барысында Пайғамбарымыз Мұхаммедтің ﷺ өмірі, хадистері, ислам тарихындағы маңызды оқиғалар жан-жақты талданып, қатысушыларға діни білім беру мен рухани тәрбиелеу мақсаттары жүзеге асырылуда.

Дәріс өткізуші Жолдыбаев Заңғар ұстаз сира сабақтарына қатысу қатысушыларға төмендегідей артықшылықтар беретінін  жеткізеді: 

Пайғамбарымыздың ﷺ өмірі мен іс-әрекеттерінен үлгі алу мүмкіндігі;

Ислам тарихын тереңірек түсіну және талдау дағдыларын дамыту;

Діни сауаттылықты арттыру арқылы рухани деңгейді көтеру.

Бұл сабақтар мешіттің тұрақты оқу бағдарламасының бір бөлігі болып табылады және діни білім алу үшін жүйелі түрде ұйымдастырылуда.