Қарағанды қалалық «Қазыбек би» мешітінде орыс ұлтының өкілі Дмитри Анатолиұлы жүрек қалауымен ислам дінін қабылдап, мұсылман қауымының қатарына қосылды.

Мешіт имамы Асылхан Нұртайұлы асыл дініміз – исламның негізгі құндылықтарын кеңінен түсіндіріп, иман негіздері мен исламдағы бес парыз туралы жан-жақты насихат айтты. 

Сондай-ақ адам баласын тура жолға бастайтын имандылық, ізгілік, сабыр мен жауапкершілік секілді асыл қасиеттерге ерекше тоқталды.

Шара соңында жаңадан мұсылман болған бауырымызға діни сауатын арттыру мақсатында «Намаз оқып үйренейік» және «Тауһид – бір бүтін сенім» атты кітаптар сыйға тартылып, ақжарма тілектер білдірілді.