Шахтинск қалалық «Нұр» мешітінің имамы Мәулен Әбілхайыр Кәсенұлының ұйымдастыруымен Дүниежүзілік тазалық күніне орай «Тазалық – иманның жартысы» жобасы аясында мешіт аумағында тазалық жұмыстары жүргізілді.

Игі іс-шараға мешіт жамағаты белсене атсалысып, мешіт ауласын қоқыстан тазартып, айналаны ретке келтіру жұмыстарына жұмыла үлес қосты.

Шараның негізгі мақсаты – қоршаған ортаның тазалығына жауапкершілікпен қарауға үндеп, жамағат арасында тазалық мәдениетін қалыптастыру және қоғамдық орындарды таза ұстаудың маңызын насихаттау.

Ислам дінінде тазалыққа ерекше мән берілген. Осындай игі бастамалар арқылы мешіт жамағаты тазалықты сақтаудың тек жеке адам үшін ғана емес, тұтас қоғам үшін маңызды екенін іс жүзінде көрсетті.