Қарағанды қалалық «Қазыбек би» мешітінде жамағатқа «Қазақ даласындағы уақып мәдениеті» тақырыбында тағылымды уағыз-насихат айтылды.

Мешіт имамы Асылхан Нұртайұлы уағыз барысында уақыптың исламдағы орны мен маңызына тоқталып, оның қоғам игілігіне бағытталған қайырымдылықтың үздіксіз түрі екенін түсіндірді. Сондай-ақ қазақ даласында қалыптасқан уақып дәстүрінің тарихи маңызы мен халықтың әлеуметтік және рухани өміріндегі рөлі туралы кеңінен баяндады. ҚМДБ материалдарында да қазақ жеріндегі уақыптардың мешіт, медресе және басқа да қоғамдық қажеттіліктерді қолдауға қызмет еткені айтылады. 

Уағыз соңында жамағатты игілікке ұмтылып, қайырымдылық жасауға және қоғамға пайдалы істерге үлес қосуға шақырды.