Қарағанды қалалық “Әл Машани” мешітінде «Жастар ісі» секторының ұйымдастыруымен «Нашақорлық — құрдымға жетелейді» тақырыбында семинар өтті.

Кездесу барысында нашақорлықтың адам денсаулығына, отбасы мен қоғамға тигізер зияны сөз болып, жастарға оның алдын алу жолдары түсіндірілді. Сондай-ақ жастарды салауатты өмір салтын ұстануға, уақытын тиімді пайдалануға және зиянды әдеттерден аулақ болуға шақырған тағылымды әңгімелер айтылды.

Іс-шараның басты мақсаты — жастардың рухани-адамгершілік тәрбиесін нығайтып, оларды теріс әдеттерден сақтандыру және салауатты өмір салтын насихаттау.