Қарағанды қалалық «Қазыбек би» мешітінің игілігіне жоғары қысымды кілем жуғыш аппарат уақып етілді.

Мешіттің тазалығы мен көркеюіне бағытталған бұл игі бастама жамағатқа қолайлы жағдай жасауға және мешіттің шаруашылық жұмыстарына өз септігін тигізбек.

Осы орайда мешіт имамы Асылхан Нұртайұлы қайырымды іске атсалысқан жамағатқа ризашылығын білдіріп, уақыптың маңыздылығы жөнінде насихат айтты. Сондай-ақ мешіт игілігіне жасалған әрбір қайырымды істің сауабы мол екеніне тоқталды.