Қарқаралы ауданына қарасты Қарағайлы кенті мешітінде жамағатқа «Уақып – сауапты іс, сарқылмас қазына» тақырыбында тағылымды уағыз айтылды.

Мешіт имамы Тезекбай Ғалым уағыз барысында уақыптың мән-мағынасына тоқталып, оның Ислам дініндегі маңызы жөнінде кеңінен түсіндірді. Сондай-ақ уақыптың мешіт, медресе және басқа да қайырымды істердің дамуына үлес қосатын сауапты амал екені айтылды.

Жамағатты ізгілікке, қайырымдылық жасауға және қоғам игілігіне қызмет ететін сауапты істерге атсалысуға шақырған насихат айтылды.