18 қазан – Рухани келісім күніне орай Қарағанды қалалық «Әл-Ғаффар» мешітінің ұйымдастыруымен жамағат арасында футбол ойыны өткізілді.

Спорттық шараның мақсаты – жамағат арасындағы бірлік пен ынтымақты нығайту, бауырластық қарым-қатынасты арттыру және салауатты өмір салтын насихаттау.

Тартысты өткен футбол ойыны достық пен татулықтың жарқын үлгісіне айналып, қатысушыларға көтеріңкі көңіл күй сыйлады.

Осындай игі шаралар жамағат арасындағы ауызбіршілікті арттырып, өзара сыйластық пен рухани құндылықтарды дәріптеуге ықпал етеді.