Абай аудандық мешітінде  жамағатқа «Құдайы ас – жарыс емес, сауап» тақырыбында түсіндіру жұмыстары жүргізілді.

Кездесу барысында құдайы ас берудің мән-маңызы, ас өткізу кезінде ысырапқа жол бермеу, дастарқан мәзірін шамадан тыс көбейтпеу және халықтың жағдайына қарай қарапайымдылықты ұстану мәселелері айтылды. Сонымен қатар ұлттық дәстүр мен діни тағылымды сабақтастыра отырып, ас берудің негізгі мақсаты – марқұмға дұға бағыштап, сауапты амал жасау екені түсіндірілді.

Халқымызда ас беру – марқұмды еске алып, дұға етуге және ағайынның басын қосуға арналған игі дәстүр. Сондықтан бұл рәсімде бәсекеге емес, берекеге, даңғазаға емес, дұға мен тағылымға басымдық беру қажеттігі насихатталды.