ҚМДБ-ның Қарағанды облысына қарасты Бұқар Жырау аудандық «Жыржыс қажы» мешітінің имамы Ерлан Мамайұлының ұйымдастыруымен «Тайқазан» қайырымдылық акциясы аясында әлеуметтік қолдауға мұқтаж 15 отбасыға азық-түлік себеттері үлестірілді.

Игі шараның негізгі мақсаты – мұқтаж жандарға қолдау көрсету, қоғамда мейірімділік пен жанашырлық құндылықтарын дәріптеу, сондай-ақ қайырымдылық жасау мәдениетін кеңінен насихаттау.

Қайырымдылық шарасы барысында отбасыларға күнделікті тұрмысқа қажетті азық-түлік өнімдері табысталып, оларға жанашырлық пен қамқорлық көрсетілді.

Аталған сауапты бастама – ислам дініндегі өзара жәрдемдесу, бауырмалдық пен ізгілік қағидаттарын жүзеге асыруға бағытталған игі істердің бірі.