Жырау аудандық «Жыржыс қажы» мешітінің имамы Ерлан Мамайұлының ұйымдастыруымен «Тайқазан» қайырымдылық жобасы аясында әлеуметтік қолдауға мұқтаж 2 отбасыға азық-түлік себеттері үлестірілді.

Игі шараның негізгі мақсаты – тұрмысы төмен отбасыларға қолдау көрсету, қоғамда мейірімділік пен жанашырлық құндылықтарын дәріптеу және қайырымдылық мәдениетін кеңінен насихаттау.

Қайырымдылық шарасы барысында екі отбасыға күнделікті тұрмысқа қажетті азық-түлік өнімдері табысталып, оларға қамқорлық көрсетілді.

Айта кетейік, «Тайқазан» жобасы – мұқтаж жандарға көмек қолын созып, қоғамдағы өзара жанашырлық пен бауырмалдықты нығайтуға бағытталған игі бастамалардың бірі.