ҚМДБ-ның Қарағанды облысына қарасты Шет аудандық «Жанқұтты би» мешітінің имамы Берік Алпысбайұлының ұйымдастыруымен «Тайқазан» қайырымдылық жобасы аясында әлеуметтік қолдауға мұқтаж 20 отбасыға азық-түлік себеттері үлестірілді.

Игі шараның негізгі мақсаты – тұрмысы төмен отбасыларға қолдау көрсету, қоғамда мейірімділік пен жанашырлық құндылықтарын дәріптеу, сондай-ақ қайырымдылық пен өзара жәрдемдесу мәдениетін кеңінен насихаттау.

Қайырымдылық шарасы барысында 20 отбасыға күнделікті тұрмысқа қажетті азық-түлік өнімдері табысталып, мұқтаж жандарға қамқорлық көрсетілді.

Айта кетейік, «Тайқазан» жобасы – ислам дініндегі бауырмалдық, жомарттық және өзара көмек көрсету қағидаттарын дәріптеп, қоғамдағы мейірімділік пен ынтымақты нығайтуға бағытталған игі бастамалардың бірі.