Тілдік нұсқа
Радио

мақала

ПАЙҒАМБАРЫМЫЗ КӨЛІК ДҰҒАСЫН ОҚЫҒАН СОҢ НЕГЕ КҮЛДІ?
01 қараша, 2016 жыл 3647 Басып шығару нұсқасы

Табиғин хадисшілерінен болған Әли ибн Рабиға былай дейді:

Әзіреті Әлиге (р.а.) бір мініс көлігін алып келген еді. Ол аяғын үзеңгіге сала бере «бисмилләһ» деді. Сосын көлікке мініп, жайғасқан соң «әлхамдулилляһ» деп артынша:

«Бұны бізге бағындырған Аллаһ Тағала күллі кемшілік атаулыдан пәк. Өйткені, біз бұған жақындай алмас едік. Күдіксіз баршамыз Раббымызға қайтарыламыз», – деді («Зұхруф» сүресі, 13-14-аяттар).

Арабшасы:

سُبْحَانَ الَّذِي سَخَّرَ لَنَا هَـٰذَا وَمَا كُنَّا لَهُ مُقْرِنِينَ وَإِنَّا إِلَىٰ رَبِّنَا لَمُنقَلِبُونَ 

Содан кейін үш рет «әлхамдулилляһ» деді де:

«Аллаһ Тағалам! Сен барлық кемшіліктен пәксің! Мен өзіме зұлымдық қылдым, мені кешіріп, жарылқа. Өйткені сенен басқа күнәларды кешіруші ешкім жоқ», – деген дұғаны оқыды да күлді.

Арабшасы:

سُبْحَانَكَ إِنِّى ظَلَمْتُ نَفْسِى فَاغْفِرْلِى إِنَّهُ لَا يَغْفِرُ الذُّنُوبَ إِلاَّ أَنْتَ

Жанындағылар:

«Уа, мүминдердің әміршісі! Не үшін күлдің?» – деп күлу себебін сұрады.  

Сол кезде Әзіреті Әли (р.а.):

«Бір кездері мен де Пайғамбарымыздың дәл осылай істеп, күлгеніне куә болған едім. Мен де сендер секілді Пайғамбарымыздан не себепті күлгенін сұрадым. Сонда Алланың Елшісі былай деп жауап берді:

«Сенің Раббың:

«Аллаһым! Күнәларымды кеш! Өйткені, сенен басқа күнәларды кешіруші ешкім жоқ!» – деп дұға еткен құлына разы болады.

Осы дұғадан кейін Аллаһ Тағала:

«Құлым, күнәларды менен басқа ешкім кешірмейтінін білді», – деді (Әбу Дәуід, Тирмизи, Ахмад бин Ханбал, Хаким).

Міне, күнде көлігімізге мінген сайын Аллаһ Тағаланың разылығына бөленетін біз үмбет қандай бақыттымыз!

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары