«Дін мен дәстүр» бағыты аясында Теміртау орталық «Әлихан Бөкейхан»  мешітінде Қарағанды облыстық «Әнет баба» мешітінде өтетін «Батаменен ел көгерер» атты байқауға іріктеу сайысы болып өтті. 

Ақсақалдардың бата беру дәстүрін жаңғырту мақсатында өткен шарада мешіт имамы Бейбіт Бақытжанұлы қатысушыларға сәттілік тіледі. Сонымен қатар, қалалық «Жақып Ақбай» мешітінің имамы Жанболат Жұматұрұлы рухани шара қонақтарына уағыз-насихат айтты. 

Жарыс соңында жеңімпаздарға қала имамы  құттықтауын жеткізіп, алғыс хатпен және ынталандыру сыйлықтарымен марапаттады.

Қарағанды облысы бойынша баспасөз қызметі