Қарағанды облысының бас имамы  Әбдіғали Естай Айтуғанұлы бақылау-басқару жұмыстары бойынша Теміртау қаласына барған сапарында шаһар басшысы Таурбеков Ораз Қайсаұлымен жүздесіп сұхбат құрды.

Келелі кездесуге Қарағанды облыстық «Әнет баба»  мешітінің наиб имамдары  Қоныскерей Құмарұлы, Ақниет Сәлімбайұлы, Теміртау қалалық «Жақып Ақбай» мешітінің имамы Жанболат Жұматұрұлы және жергілікті әкімшіліктің қызметкерлері қатысты.

Басқосуда Теміртау қалалық мешітінде жүргізіліп жатқан күрделі жөндеу жұмыстары мен аймақтың қазіргі діни қал-ахуалы сөз етілді. Сондай-ақ, имамдардың әлеуметтік мәселесі талқыға салынды.

Теміртау қаласының діни ахуалынан хабар алған қала басшысы жергілікті құлшылық үйлерінің кем-кетігі мен басқа да қажетті дүниелерді жүзеге асыруда қол ұшын беретінін жеткізіп, әкімшілік тарапынан қолдау білдіретінін айтты.
 
Келелі кездесу соңында екі тарап дін мен дәстүр сабақтастығы төңірегінде бірқатар бірлескен игі жобаларды жүзеге асыруға уағдаласты. 

ҚМДБ-ның Қарағанды облысы бойынша баспасөз қызметі