Center Image
IHSAN.KZ
Балқаш жамағаты арасында рухани сайыс өтті
Балқаш жамағаты арасында рухани сайыс өтті

  Балқаш қаласының рухани жай-күйімен танысу мақсатында арнайы сапармен барған облыс бас имамы Естай Айтуғанұлы қалалық мешіт жамағаты арасында ұйымдастырылған «Пайғамбарымызға (с.ғ.с.) сағыныш хаты» рухани сайысының куәгері болды.

Бүгінгі қоғамның сан қилы көріністері мен көңіл парақтарына біткен ізгі лебіздерін Алла елшісіне (с.ғ.с.) хат ретінде жазып, қағазға түсірген қатысушылар жүректерді елжіретіп, көздерге еріксіз жас алғызды.

Облыс имамы үммет болып ұйысқан Балқаш жамағатының жасына қарамай жан дүниесінен шыққан балаша пәк пейіл мен екі дүние сардарына деген махаббатына куә болды. Сол себепті қатысушыларға шынайы ықыласы мен ризашылығын жеткізіп, келесі жылы бұдан да көп шәкірттердің қатысып, белсенділік танытуын сұрады.

Қала имамы Нұрболат Сейілханұлы бастаған балқаштық имамдардың ұйымдастыруымен жүзеге асқан рухани сайыста ең әсерлі жазба авторы деп танылып, бас жүлдеге ие болған Қыдыр Сәкенұлы мен басқа да орын иелеріне облыс бас имамы арнайы алғыс хаттар мен ақшалай сыйлықтарды (I орын 70 0000 тг, II орын 50 000 тг, III орын 30 000 тг.) табыстады.
 


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz