Center Image
IHSAN.KZ
АБАЙ АУДАНДЫҚ МЕШІТІНЕ ЖЫЛЫ ЕДЕН ТӨСЕЛДІ
АБАЙ АУДАНДЫҚ МЕШІТІНЕ ЖЫЛЫ ЕДЕН ТӨСЕЛДІ

   ҚМДБ-ның Қарағанды облысына қарасты Абай аудандық мешіті ғимаратына жылы еден төселді. 

Қыс мезгіліне тұспа тұс келген күрделі жөндеу жұмыстары бүгінде сәтті аяқталып, аудандық мешіт ғимараты қаһарлы қыс айына сақадай сай. Игі істің басы қасында жүріп, іске асуына мұрындық болған мешіт имамы Асхат Қанайұлы сауапты һәм қайырымды іске ат салысқан демеушілерге өзінің алғысын айтып, ризашылығын білдірді.

Еденнің жөндеу жұмыстарына мешіт дін қызметкерлері мен мешіт жамағаты ат салысты.

Айта кетейік, қазіргі уақытта Абай аудандық мешіті жанынан дәретхана мен мәйітхана ғимараты бой көтеріп келеді. Бүгінде қос бірдей құрылыс нысанының қабырғалары көтеріліп, шатыры жабылды. Аталмыш аймаққа қызметке осыдан төрт ай бұрын тағайындалған мешіт имамы алда талай тың өзгерістер мен жоспарлар іске асырылатынын алға тартты.

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz