Center Image
IHSAN.KZ
Қарқаралыдағы спорт клубында ұлттық ойындар сайысы өтті
Қарқаралыдағы спорт клубында ұлттық ойындар сайысы өтті

    Қарағанды облысының бас имамы Естай Айтуғанұлы Қарқаралы ауданына барған қызметтік сапары барысында Егіндібұлақ ауылында орналасқан «Қарқаралы спорт клубына» ат басын бұрды.

Облыс бас имамы бастаған бір топ дін қызметкерлері Балқантау баурайында ұйымдастырылған ұлттық спорт ойындарының сайысына куә болды. Халқымыздың рухани құндылықтарын қайта жаңғырту мақсатында өткен шара жамағат арасындағы бауырмалдықты арттырып, дін мен дәстүр сабақтастығын жалғауға бағытталды.

Аламан жарыстың басталуында облыс имамы Қазақстан мұсылмандары діни басқармасының «Дін мен дәстүр» бағыты аясында өткізіліп отырған шараның мән-маңызына тоқталып, сайысқа қатысып отырған ойыншыларға сәттілік тіледі.

Додаға қатысушылар көкпар, садақ ату, қол күресі сынды ұлттық спорт түрлерінен бөлек, спорт кешенінің ішінде үстел теннисі мен баскетбол ойындарынан да сайысқа түсті. Осылайша облыс бас имамы бастаған дін қызметкерлері дүбірлі додаға қатысып, жамағат арасындағы жарасымдылықтың жарқын үлгісіне куә болды.

Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz