Қарағанды облысына қарасты барлық мешіттерде биылғы рамазан айының алғашқы тарауық намазы оқылды.

ҚМДБ-ның Қарағанды облысы бойынша бас имамы Естай Айтуғанұлы бастаған өңірге қарасты имамдар халықты айтулы мерекемен құттықтап, жылы лебіздерін білдірді. Сонымен қатар, көпшілікте тарауық намазында Құран хатымын түсіретін қариларды таныстырып өтті.

Айта кетейік, қасиетті айдың құрметіне орай мешіт асханаларында ауызашар дастархандары жайылып, жамағатқа ауызашар берілуде. 

Қарағанды облысы бойынша баспасөз қызметі