Center Image
IHSAN.KZ
«Бала қажы» мешітінде өткен қадір түні
«Бала қажы» мешітінде өткен қадір түні

   Қарағанды қалалық «Бала қажы» мешітінде қадір түніне жиналған көпшілікке ауызашар дастарханы жайылып, мешіт имамы Нұров Махмұд қажы Нұрұлы жергілікті халықты қадір түнімен құттықтап, уағыз айтты. 

Аймақтық мешіттің наиб имамдары мешітке келген көпшілік қауымға викториналық сұрақтар жүргізіп, алғыр  жеңімпаздарға сыйлықтар үлестірді.

Қасиетті түнді құлшылықпен өткізуге келген жамағат арасынан зиялы қауым өкілдері қадір түнімен құттықтап, жұртшылыққа мың айдан да қадірлі болған Қадір түнінің жақсылығы мен сауабын тілеп, ел тыныштығы мен бірлігі үшін дұға жасады.

Одан кейін, рамазан айында құранға түскен шәкірттер марапатталды.

Тарауық намазын оқығаннан кейін, мешітке келген көпшілік түннің екінші бөлігін жұмыла құлшылыққа арнады. Қасиетті қадір түнінде бата жасап, дұға оқыды.  

Мың айдан да қасиетті қадір түнін ғибадатпен өткізуге жиналған жамағатқа сәресі беріліп, Сап түзеп таң намазы оқылып, дұға жасалды.

 

Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz