Қарағанды облысына қарасты Абай аудандық орталық мешітінде қасиетті қадір түні жоғары деңгейде өтіп, аймақ имамы Асхат Қанайұлы жергілікті жамағатты берекелі кешпен құттықтап, насихат айтты.

Берекелі кеште бағдарламаға сай, жамағатпен құптан және тарауих намазы оқылған соң мешіттің наиб имамы Қадір түнінің қасиеті, артықшылығы және ерекшелігі жайлы уағыз-насихат жүргізді.  

Ары қарай жамағаттың еркін құлшылығына уақыт берілді.  Сонымен қатар, мешіт жамағаты арасында Исламға қатысты қызықты сұрақтар- жауаптар жүргізілді. Берекелі ай бойы мешітте тарауық намазын өткізген қарилар құрметке бөленіп, иықтарына шапан жабылды.

Мешіт имамы Қадір түні дұғасын оқып, барша мұсылман жамағатына денсаулық, отбасына амандық, еліміз бен жерімізге тыныштық, мемлекетімізге бақ пен береке тіледі. Қадір түні кешіне жиналған жамағатқа сәресі тамағы  берілді.

Қарағанды облысы бойынша баспасөз қызметі