Қарағанды облысына қарасты Абай аудандық орталық мешітінде   мұсылман қауымының ұлық мерекелерінің бірі – Ораза айт мейрамы аталып өтті. Мерекелі күн таңғы сағат 07:00- де мешіт ауласында айт намазы оқылып, ұлық мереке құлшылықпен бастау алды.

Ұлық мейрамда аймақ имамы Асхат Қанайұлы жамағатты Ораза айт мерекесімен құттықтады. Айт мерекесінің қадір-қасиетін ашықтап, бүгінгі күнді берекелі, сауапты өткізуге шақырды. 

Жамағатқа айт құтпасы жеткізілді. Намаз соңында барша жамағат ел мен жердің амандығын тілесіп, дұға жасады.

Қарағанды облысы бойынша баспасөз қызметі