«Дін мен дәстүр» бағыты аясында Қарағанды қалалық «Әл Машани» мешітінің ұстазы Бақытгүл Айтқалиқызының ұйымдастыруымен әйелдер жамағаты рухани отырыста бас қосты.

Қасиетті құрбай айттың құрметіне орай мешіт ауласындағы қазақы киіз үйде арнайы мерекелік дастархан жайылып, әйелдер жамағатына уағыз-насихат айтылды. Шара барысында мешіт наиб имамы Түсіпбеков Ерлан құран хатым дұғасын жасады. Одан кейін, мешіт ұстазы қасиетті мерекенің қадір қасиеті жайлы насихат айтып, әйелдер жамағатының сұрақтарына жауап берді.

Қарағанды облысы бойынша баспасөз қызметі