«Дін мен дәстүр» бағыты аясында ҚМДБ-ның  Қарағанды облысына қарасты  Балқаш қалалық мешітінің имамы Қалдарбеков Нұрболат Сейілханұлының ұйымдастыруымен қасиетті құрбан айттың құрметіне жамағат арасында қазақтың ұлттық ойындарынан сайыс ұйымдастырылды.

Қалың жамағат спорттық сайыстарға белсене қатысып, мешіт ауласын намысты жаныған жанкүйерлердің айғайы жаңғырықтырды. Топ-топқа бөлініп, арқан тартысқан, қол күрестіріп, гір көтерген білекті жігіттердің күшін бағалап, әділ бағасын беру арнайы мамандарға табысталды. Салауатты өмір салтын ұстанған мешіт жамағаты спорттың қай түрінен болса да қара жаяу еместігін аңғартып, көңіл қуантарлық нәтижелер көрсетті. Бұған қоса, құлшылық ордасына келген кішкене балалар арасында асық ойнатылып, мергендіктері сынға салынды.

Жеңімпаздарға «Алғыс хаты» табысталып, ақшалай сыйлықпен марапатталды.

Қарағанды облысы бойынша баспасөз қызметі