Center Image
IHSAN.KZ
Әйелдер жамағатына арналған құран дәрістері басталды
Әйелдер жамағатына арналған құран дәрістері басталды

   Қарағанды облыстық «Әнет баба» мешітінде әйелдер жамағатына арналған  құраннан діни сауат ашу дәрістері басталды.

Дәрісті облыстық мешітінің ұстазы Әйгерім Берікболқызы жүргізіп,  шәкірттерге  "Құран оқып үйренудің артықшылығы" жөнінде уағыз-насихат айтты. 

Насихат барысында мешіт ұстазы жиналған жамағатқа: "Пайғамбарымыз Мұхаммед (с.ғ.с.):«Сендердің ең жақсыларың – Құранды үйреніп оны үйреткендерің»,  – деп өсиет қалдырған. Сол үшін де сіздер мен біздердің ниетіміз Алла разылығы үшін құран үйрену болатын болса баршамыз ең жақсы адамдар қатарына қосылатынымыз сөзсіз" - деп құран оқудың артықшылығын түсіндірді.

Әртүрлі жастағы шәкірттерге алдағы уақытта  құран пәнінен бөлек, фиқһ, ақида, әдеп, ислам тарихы, тажуид сынды пәндер бойынша дәрістер жүргізілмек.

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz