Center Image
IHSAN.KZ
Қарағанды қаласы тағы бір мешітпен толықпақ
Қарағанды қаласы тағы бір мешітпен толықпақ

   ҚМДБ-ның Қарағанды облысы бойынша бас имамы Әбдіғали Естай Айтуғанұлы  қалада  бой көтеріп келе жатқан жаңа мешіттің құрылысымен танысты.

Қаладағы «Жәнібекова» көшесі,  141- үй мекен-жайында орналасқан құрылыс нысаны 200 адамға арналып салынуда.  

Ғимараттың ішінде ерлер және әйелдер намазханасымен қатар құлшылық рәсімін өткізу залдары, асханасы мен дәретханасы қарастырылған. 

Екі қабаттан тұратын құлшылық үйін бастап салушы кәсіпкер Мұхтаров Қуантай Амангелдіұлы облыс бас имамына Алла үйінің құрылыс барысынан хабар берді.

Облыс бас имамы Естай Айтуғанұлы жаңа мешіт құрылысын жоспарланған уақытта аяқтау қажеттігін тапсырып, құрылыс жұмысы барысында қауіпсіздік шараларына баса назар аудару қажеттігін жеткізді. 

Сонымен қатар, мешіт құрылысына көмектесіп жатқан демеуші азаматтарға алғыс айтып, жұмыстарына береке тілеп, дұға жасады.

ҚМДБ-ның Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz