Қарағанды облысы, Шет ауданына қарасты Ақжал кенті мешітінде «Мектепке жол» қайырымдылық акциясы ұйымдастырылды.

Аймақтық мешіт имамы Абильмашев Бағлан имамның ұйымдастыруымен өткен шара барысында жергілікті «Ш.Батталова» атындағы орта мектепте балалары білім алатын бес отбасыға көмек көрсетілді. 

Оларға мектеп сөмкелері мен қажетті оқу құралдары табыс етілді.

Шара барысында мешіт имамы  білім жолындағы бүлдіршіндерге сәттілік тілеп, ізгі тілегін арнады. Сондай-ақ, акцияға атсалысқан демеуші жандарға да өз алғысын білдіре келе бұл қайырымдылық шарасы білімге жасалып  отырған қолдау екенін атап өтті.

ҚМДБ-ның Қарағанды облысы бойынша баспасөз қызметі