Center Image
IHSAN.KZ
Қарағандылық «UNITEA» кәсіпорны «HALAL EXPO-2023» көрмесіне өз өнімдерін ұсынды
Қарағандылық «UNITEA» кәсіпорны «HALAL EXPO-2023» көрмесіне өз өнімдерін ұсынды

Алматы қаласында ҚМДБ «Халал Даму» стандарттау және сертификаттау мекемесінің ұйымдастыруымен өтіп жатқан «HALAL EXPO-2023» халықаралық көрмесіне Қарағанды қаласында орналасқан «UNITEA» кәсіпорны өз өнімдерін ұсынды.

Айта кетсек, 1995 жылдан бастап өз жұмысын бастаған «UNITEA» кәсіпорны түйіршіктелген және жапырақты, жоғары сапалы шәй өнімдерін Кения мен Үндістаннан тасымалдайды. Қанық түсті, ерекше дәмді шәй өнімдері Қазақстан ғана емес Ресей нарығында да айрықша сұранысқа ие. Кәсіпорынның шәй коллекциясының ішіндегі ең үздігі «Ақман» шәйі. 2015 жылы көпшілікке ұсынылған «Ақман» шәйі отандық тұтынушылар тарапынан жоғары бағаланды. «Халал Даму» мамандарының толыққанды тексеріс қорытындысынан кейін «Хасенов Е.Ш» кәсіпорнының 19 түрлі сауда белгісімен шығарылатын шәй өнімдері «Халал өнімдерді өндіруге, өңдеуге, дайындауға, сақтауға, тасымалдануға, сатуға қойылатын жалпы талаптар» стандартына сай деп танылған.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz